Kabir, Sumiran ka Ang

Kabir, Maala ferat mann khushi

Taame kuch na hoye.

Mann maala ke ferte,

Ghat ujiyaari hoye.

Kabir, Maala mann hi ki

Aur sansaari bhekh.

Maala fere hari mile

Gale rehet ke dekh.

Kabir, Maala kaath ki,

Bahut jatan ka fer.

Maala swaanso swaans ki,

Jaame gaanth na mel.

Kabir, Maala mose lad padi,

Kya ferat ho moye.

Mann ki maala fer le,

Guru se mela hoye.

Kabir, Kriya kare Anguli gine,

Mann dhaave chahu aur.

Jehi fere saayin mile,

So bhaya kaath kathor.

Kabir, Guru charnan chitt rakhiye

To amrapur joye.

Maala fere kya bhayo,

Hridey gaanth na khoye.

Kabir, Bahar kya dikhlayiye,

Anter japiye naam.

Kahan mahola khalak se,

Pada dhani se kaam.

Kabir, Sehje hi dhun hot hai,

Har dam ghat ke maahi.

Surat shabd mela bhaya,

Mukh ki hajat naahi.

Kabir, Maala to kar me fire,

Jeebha fire mukh maahi.

Manua chahu dis fire,

Yeh to sumiran naahi.

Kabir, Tan thir Mann thir Vachan thir,

Surat nirat thir hoye.

Kahae Kabir is palak ko

Kalp na paave koye.

Kabir, Jaap mare Ajapa mare,

Anhad bhi mar jaye.

Surat samani shabd me,

Taako Kaal na khaye.

Kabir, Jaaki poonji swaans hai,

Chin aave chin jaaye.

Taako aisa chahiye,

Rahae naam liv laaye.

Kabir, Kehta hoon keh jaat hoon,

Kahoon bajaye dhol.

Ek swansa khaali jaat hai,

Teen lok ka mol.

Kabir, Aise mehnge mol ka,

Ek swaans jo jaaye.

Chaudah lok na pat tare,

Kaahe dhool milaye.

Kabir, Dhan bhaag maanus tan paava,

So durlabh sab granthan gaava.

Kabir, Kabir kshuda hai kookri,

Karat bhajan me bhang.

Jaako tukda daar kar,

Karo bhajan nih sang.

Kabir, Chinta to Satnaam ki,

Aur na chitve daas,

Jo kuch chitve naam bin,

Soyi Kaal ki faans.

Kabir, SatyaNaam ko sumarte,

Udharey patit anek.

Kahae Kabir nhi chadiye,

SatyaNaam ki tek.

Kabir, Naam japat dridhi bhala,

Tooti ghar ki chaan.

Kanchan mandir jaar de,

Jahan guru bhakti na naam.

Kabir, Paanch sakhi peev peev karae,

Chatha jo sumire mann.

Aayi surat Kabir ki,

Paaya Ram ratan.

Kabir, Sumiran marag sehaj ka,

SatGuru diya bataye.

Swaanso swaans jo sumirta,

Ik din mil si aaye.

Kabir, Maala swaanso swaans ki,

Fere koi nij das.

Chauraasi bharme nahin,

Kate karam ki faans.

Kabir, Gyaan kathe bak bak mare,

Koi karae upaav.

SatGuru humse yoon kaha,

Sumiran karo samaye.

Kabir, Sumiran Saar hai,

Aur sakal janjaal.

Aadi Ant Madhya sodhiya,

Dooja dekhya khyaal.

Kabir, Nij sukh sumiran naam hai,

Dooja dukh apaar.

Mansa vaacha karmana,

Kabir Sumiran saar.

Kabir, Thoda sumiran bohat sukh,

Jo kar jaane soye.

Soot na lagae binavni,

Sehaj rati sukh hoye.

Kabir, Saayin yo mat jaaniyo,

Preet ghati mum chit.

Maroon to sumirat maroon,

Jeeyoon to sumirat nit.

Kabir, Jap Tap Sayiyam Sadhna,

Sab Sumiran ke maahi.

Kabir jaane bhakt jan,

Sumiran sam kuch naahi.

Kabir, Sehkaami sumiran karae,

Paave uttam dham.

Nihkaami sumiran karae,

Paave avichal dham.

Kabir, Hum tumro sumiran kare,

Tum mohe chitvat naahin.

Sumiran mann ki preet hai,

So mann tum hi maahi.

Kabir, Kabira har har sumir le,

Praan jahinge choot.

Ghar ke pyaare aadmi,

Chalte lenge loot.

Kabir, Kabir nirbhaye naam jap,

Jab lag deeva baat.

Tel ghate baati bhuji,

Fir sovega din raat.

Kabir, Jaise maya mann rame,

Taise naam ramaye.

TaraMandal chaad ke,

Jahan naam tahan jaaye.

Kabir, Kabir chit chanchal bhaya,

Chahu dis laagi laaye.

Guru sumiran haathe ghadha,

Leejay beg bhujaye.

Kabir, Kabir mukh soyi bhala

Jaa mukh niksay Ram.

Jaa mukh Ram na niksay,

So mukh koney kaam.

Kabir, SatNaam ko sumirna,

Has kar bhaave kheej.

Ulta sulta neepjay,

Khet pada jo beej.

Kabir, Swaans sufal so jaaniye,

Jo sumiran me jaaye.

Aur swaans yonhi gaye,

Kar kar bahut upaaye.

Tulsi, Tulsi mere Ram ko,

Reejh bhajo chahe kheejh.

Ulta sulta neepjay,

Bhoomi pade jo beej.

Kabir, Kya bharosa deh ka,

Vinas jaaye chin maahi.

Swaans swaans sumiran karo,

Aur jatan kuch naahi.

Kabir, Jeevan thoda hi bhala,

Jo sat sumiran hoye.

Lakh baras ka jeevna,

Lekhe dhare na koye.

Kabir, Bina saanch sumiran nahin,

Bin bhedi bhakti na hoye.

Paras me parda reha,

Kas loha kanchan hoye.

Kabir, Kanchan keval guru bhajan,

Dooja kaanch kathir.

Dhootha jaal janjhal taj,

Pakdo saanch Kabir.

Kabir, Hriday sumirni naam ki,

Mera mann mas-hool.

Chavi laage nirkhat raho,

Mit gaya sanshay shool.

Kabir, Sumiran ka hal jotiye,

Beeja naam jamaye.

Khand brahmand sookha pade,

Tihu na nishfal jaaye.

Kabir, Dekha dekhi sab kahae,

Bhor bhaye Hari naam.

Ardh raat koi jan kahae,

Khana jaat gulaam.

Kabir, Ram ratat sthir bhaya,

Gyan kathat bhaya leen.

Surat shabd ekai bhaya,

Jal hi hoyega meen.

Kabir, Kabir dhara agam ki,

SatGur dayi lakhaye.

Ulat ta hi sumiran karoon,

Swami sang milaye.