Bharam gaye jag ved purana

Kabir, Dharmdas ye jag borana, Koi na jane pad nirvana.
Yahi kaaran mein katha pasara, Jag se kahiyo ram niyara.

Yahi gyaan jag jiv sunao, Sab jeevon ka bharm nashao.
Ab main tumse kahoon chitai, Tri devan ki utpatti bhai.

Kuch sankshep kahoon gahurai, Sab sanshya tumre mit jai.

Bharam gaye jag ved purana, Aadi raam ka bhed na jana.
Ram ram sab jagat bakhane, Aadi ram koi birla jane

Gyani sune so hridey lagai, Moorakh sune so gamya na payi.
Maa ashtangi pita niranjan, Ve jam darun vanshan anjan.

Pehle kinha niranjan rai, Peeche se maya upjai.
Maya roop dekh ati shobha, Dev niranjan tan man lobha.

Kamdev dharmrai sataye, Devi ko turt dhar khaye.
Pet se devi kari pukara, Sahib mera karo ubara.

Ter suni tab hum aaye, Ashtangi ko bandh chudwaye.
Satlok mein kinha durachari, Kaal niranjan diya nikari.

Maya samet diya bhagai, Saulaah shankh kos duri par aayi.
Ashtangi aur kaal ab doi, Mand karm se gaye bigoi.

Dharmrai ko hikmat kinha, Nakh rekha se bhag kar lina.
Dharmrai kini bhog vilasa, maya ko rahi tab aasa.

Teen putra ashtangi jaye, Brahma Vishnu Shiv naam dharaye.
Teen dev vistaar chalaye, Inme yeh jag dhoka khaye.

Purush gamya kaise koi pave, Kaal niranjan jag bharmave.
Alakh niranjan sun thikana, Brahma Vishnu Shiv bhed na jana.

Teen dev so usko dhave, Niranjan ka wo paar na pave.
Alakh niranjan bada batpara, Teen lok jeev kinha ahara.

Brahma Bishnu Shiv nahi bachaye, Sakal khaye pun dhool udaye.
Tinke sut hain teeno deva, Aahar jeev karat hain seva.

Kaal purush kahu nahi chinha, Kaal paaye sabhi geh lnha.
Brahm kaal sakal jag jane, Aadi brahm ko na pahichane.

Teen dev aur avtara, Taako bhaje sakal sansara.
Teen guno ka yeh vistara, Dharmdas main kaho pukara.

Gun teeno ki bhakti mein, Bhool pado sansaar.
Kahae Kabir nij naam bin, Kaise utre paar.