Shabad faans fansa har koi, Wo shabad nahi pehchana

Kabir, Santo shabday
Shabad bakhana
Aur shabad faans fasa har koi
Wo shabad nahi pehchana.

Pratham Brahm swayam iccha se
paanchon shabad ucchara
Soham, jyoti niranjan
rarankar, shakti aur omkara

Paanchon tatva prakriti
teeno gun upjaya
lok dweep chaar khaani
aur chauraasi laakh banaya

Shabdai kaal kalander kahiye
Shabday bharam bhulaya
Aur paanch shabad ki asa me
ye sarwas mool gawaya

Sabdai Brahm Prakash bhent ke
Baithe moonde dwara
Sabday nirgun, sabday sargun
Sabday Ved pukara

Sudh Brahm kaya ke bheetar
Baith kare asthana
Aur Siddh Tapi Gyaani yogi
shabday me uljhana

Paanch shabad, paanch hain mudra
Kaya beech thikana
Jo jiska aaraadhan keena
usko wohi karat dikhana

Shabad jyoti niranjan mudra
Hai nainan ke maahi
Aur taako jaane Gorakh yogi
Maha tej tap maahi

Shabad omkar bhaunchri mudra
Trikuti hai asthana
Aur vyas dev taahi pehchana
Chand surya te hi jana

Soham shabad agochari mudra
Bhanwar gufa asthana
Sukhdev muni taahi pehchana
Sun anhad ko kaana

Shabad rarankaar khenchari mudra
Daswe dwaar thikana
Brahma Vishnu Mahesh aadi lag
Rarankaar pehchana

Shakti shabad dhyaana unmuni
Mudra base aakaash snehi
Jhilmil jhilmil jyot dikhaye
Wo jaane janak videhi

Paanch shabad paanch hain mudra
So nischay kar jana
Aage purush puratan nih-akshar
Aur uski khabar nhi jana

Nau naath chauraasi sidh lag
in paanch shabad me atke
Mudra saadh rahe ghat bheetar
Fir ulte muh latke

Paanch shabad paanch hain mudra
Lok dweep yam jaala
Kahe Kabir akshar se aage
Nih-Akshar ujiyala